Shpëtimi në momentet e fundit të kampionatit i ka dhënë edhe një herë shansin Elches për të treguar vlerat në Primera Division . Puna e realizuar nga Fran Escriba po fillon të jape rezultat . Në skenë ka dalë emri i Johan Mojicas për të cilin Atletico dhe Napoli do të kenë një sfidë shumë interesante . Kalimi nga Atalanta tek ‘’ Ilicitanos ‘’ ka shënuar një ndryshim të madh në karrierë sepse flitet për dy skuadra me emër .
Kampionët në fuqi të La Ligas kërkojnë të përforcojnë krahun e majtë të mbrojtjes dhe të kenë një garanci absolute në momentet kur Renan Lodi nuk do të jetë i disponueshëm për Cholo Simeonen .
Një lëvizje e tillë konsiderohet e domosdoshme për ecurinë pozive të kryeqytetasve të cilëve i mbetet shumë punë në vijim sepse fillimisht do ti duhet të tregojnë dhëmbët për mbrojtjen e titullit të La Ligas dhe përfaqësimit dinjitoz në Champions League . Në krahun tjetër , tekniku Luciano Spalleti i njeh me detaje cilësitë e 29 vjeçarit për arsye të së kaluarës tek Atalanta , eksperiencë që u shoqërua me një kalvar dëmtimesh . Karakteristikat e mbrojtësit të kombëtares së ‘’ Los Cafeteros ‘’ konsiderohen ideale për mënyrën e lojës së ‘’ Azurrëve ‘’ por fillimisht duhet të masin forcat me kryeqytetasit .
Të qënit i spikatur tek një skuadër tepër modeste është një element favorizues për të ardhmen e Johan Mojicas sepse ndërrimi i ambientit mund ti prodhojë shumë benefite .
8 ndeshjet e para pavarësisht se Elche është një skuadër e dorës së dytë konsiderohen një trampolinë drejt hapit të ëndërruar pa anashkaluar edhe përgjigjen e drejtuesve respektivë për pilarin e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
