Chelsea insiston për Seskon

Objektivi për të rikapur përsëri majat në çdo kompeticion , e ka bërë Chelsean një  ndër protagonistët në merkato .

Londinezët kanë ndryshuar shumë me ardhjen e Todd Boehly-t dhe tanimë nën drejtimin e Graham Potterit po kërkojnë të tregojnë dhëmbët.

Sulmi është një ndër repartet ku ‘’ Blutë e Londrës ‘’ nuk kanë bindur dhe natyrisht drejtuesit po mundohen të bëjnë zgjedhje cilësore për ta mbyllur këtë kapitull në të ardhmen .

Benjamin Sesko , ishi i Salzburgut , aktualisht në rradhët e Leipzigut në formulën e huazimit preferohet shumë nga numri një i pankinës për arsye të nuhatjes përpara portës dhe kryeqytetasit janë të gatshëm të ofrojnë 50 milionë euro për ta bërë pjesë të organikës. 

Slloveni premton shumë për të ardhmen, golashënues i cili nga specialistët konsiderohet si një ndër më të mirët për sa i përket ofensivës dhe Chelsea e ka si prioritet transferimin e tij në merkato.

Me largimin e Thomas Tuchelit dhe ardhjen e Graham Potterit kanë ndryshuar shumë gjëra dhe anglezët nuk do të ndalen deri sa të shtojnë përsëri trofe të rëndësishëm në vitrinën e tejmbushur, pasi janë të ndërtuar për të arritur majat në çdo sezon dhe kjo filozofi vijon të jetë kryefjala e përditshmërisë së ish kampionëve të Champions Leagues.