Transferimet e Rodrigo De Paul , Marcos Paulo , Benjamin Lecomte dhe mbërritja e mundshme e Dusan Vlahovic e kanë detyruar Atletico Madridin për ti vënë gishtin tre lojtarëve që nuk përbëjnë më rëndësi për Diego Simeonen . Sipas prestigjozes Marca ‘’ Los Colchoneros ‘’ kërkojnë ti gjejnë një destinacion Santiago Arias , Nehuen Perez dhe Marcos Paulo të cilëve mund ti bashkohen disa lojtarë të filialit .
Me hedhjen e këtij hapi kryeqytetasit duan të kenë në dispozicion vetëm komponentët që do të aktivizohen gjatë sezonit dhe për të sipëpërmendurit është menduar edhe formula e huazimit . Duke veçuar Santiago Arias i cili vuajti faktin e të qënit jashtë fushave për arsye dëmtimi , si argjentinasi Nehuen Perez ashtu edhe braziliani Marcos Paulo janë duke analizuar disa oferta për vijimin e karrierës .
Parashikohet se e ardhmja mund të jetë në kampionatin portugez , destinacion që i ka shërbyer Atleticos ndër vite për të negociouar me skuadrat respektive për arsye të marrëdhënieve të përkryera .
Kështu Diego Simeone do të jetë më i qetë gjatë këtij sezoni në të cilin do ti duhet të luftojë për të ruajtur titullin e fituar në La Liga pa anashkaluar Champions Leaguen , kompeticion të cilin ‘’ Los Rojiblancos ‘’ e synojnë prej vitesh .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
