Juventus kërkon Zidanen

 Momenti i vështirë i Zinedine Zidanes tek Real Madridi ka krijuar një  lloj pikpyetje për të ardhmen në ‘’ Santiago Bernabeu ‘’. Nga kjo situatë do të kërkojë të përfitojë Juventusi i cili nuk po gjen dot dritën në tunelin e pafundëm . Me humbjen e titullit të Serisë A dhe vetëm një finale kupe për të luajtur kundër Atalantës torinezët nuk i kanë shpatullat e ngrohta  për sezonin e ardhshëm .  Dështimi total i Andrea Pirlos e ka kthyer në regres ‘’ Zonjën e Vjetër ‘’ , kapitull që do ta ketë shumë të vështirë ta hedhë pas krahëve .  Gjithashtu eleminimi i Realit në gjysëmfinale të Championsit   nuk është kapërdirë lehtë nga drejtuesit e ‘’ Los Merengues ‘’ që kanë shënjestruar ‘’ Zizoun ‘’ si përgjegjësin kryesor. Por karriera e shkëlqyer  si futbollist dhe trainer ia ka mbajtur ndezur shpresat  për të ndryshuar ambjent  .  Sipas ‘’ Tuttosport ‘’  juventinët  mbeten në medyshje për vazhdimin e Andrea Pirlos   sepse mungesa e titujve ka ndikuar edhe tek peshat e rënda si përshembull Cristiano Ronaldo e ardhmja e të cilit është lidhur ngusht me Manchester United , Real Madridin dhe me Sportingun e Lisbonës ku hodhi hapat e parë si profesionist.  Me një karakter tërësisht kompetitiv  dhe një të kaluar që e favorizon   48 vjeçari ka mundësi të shumta për tu bërë pjesë e protagonistëve  absolutë të Scudettos në 9 sezonet e fundit me qëllimin e mbylljes së një episodi dramatik në historinë e tyre .  Dëshira e bardhezinjve për Zinedine Zidane-n është e hershme sidomos mbas ciklit fitues me Real Madridin  por asokohe  ky operacion nuk u shoqërua me një ofertë konkrete nga ana e Juventusit dhe  tekniku nga Marseja vendosi të përgatisë valixhet për rikthimin në ‘’ Santiago Bernabeu ‘’ .  Por kësaj here duket se historia do të jetë ndryshe sepse eleminimi i  ‘’ Los Blancos ‘’ nga Champions League mbetet një plagë që do ti duhet kohë të kurohet dhe ndoshta projekti i torinezeve do ti krijojë të tjera ndjesi ish kampionit të botës.