Kombëtarja shqiptare zhvilloi këtë të premte, stërvitjen e radhës, në prag të ndeshjes me Poloninë, e vlefshme për kualifikueset e Europianit.
Në ditën e pestë të grumbullimit, nën urdhrat e trajnerit Silvinjo, nuk ka qenë vetëm portieri Thomas Strakosha.
Në njoftimin e FSHF-së, thuhet se Strakosha ka punuar në palestër dhe ka bërë fizioterapi, por që nuk ka probleme fizike të mëdha dhe pritet të jetë i gatshëm. Përgjatë këtyre ditëve lojtarët kanë marrë ngarkesë të plotë fizike dhe kanë pasur mundësi të punojnë me stafin e ri edhe anën taktike dhe mënyrën e lojës.
Ndërkaq, skuadra do të vijojë përgatitjet edhe të shtunën në Shqipëri me një seancë stërvitore të programuar para se të nisen të dielën për në Poloni.
Ndeshja mes Polonisë dhe Shqipërisë, do të luhet në Varshavë, të hënën e 27 marsit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
