Mbrojtësi Alessio Romagnoli është një ndër lojtarët e shumtë që e finalizon kontratën me Milanin në 30 qershorin e 2022-shit , fakt që për drejtuesit e skuadrës është një sinjal se duhet ti vënë kapakun qëndrimit të italianit në ‘’ San Siro ‘’ .
26 vjeçari është një ndër shtyllat e mbrojtjes së kuqezinvje të cilët i kanë hedhur hapat e parë për të akorduar këtë çështje sepse për shërbimet e tij luftojnë fort Lazio , Juventus , Atletico dhe Barcelona , skuadra që e vënë dukshëm në siklet Milanin .
Por sipas gjasave dhe raportimeve të ‘ Calciomercatos ‘ , agjenti Mino Raiola njëkohësisht një ndër më të famshmit po bën të pamundurën për të arritur akordin e shumëdëshiruar që do ta mbajë të lidhur me gjigandët e Serisë A deri në 30 qershorin e 2026- tës dhe kështu do të blindohej përfundimisht qëndrimi në Milano.
Një lojtar i tillë është një dosmosdoshmëri absolute për ecurinë e këtij Milani i cili me Stefano Piolit po ecën me hapat e duhur , por i mbetet akoma rrugë për të përshkuar sidomos në Champions League , aty ku synon të jetë skuadra e dikurshme .
Ishi i Sampdorias dhe Romës jo vetëm që ka një përgjegjësi absolute në prapavijë por mban në krah edhe shiritin e kapitenit të cilin më përpara e ka patur në pronësi legjendari Paolo Maldini , aktualisht drejtori sportiv i Milanit .
Në 7 sezone , Alessio Romagnoli ka dhënë një kontribut që do të kujtohet gjatë tek 7 herë kampionët e Champions Leagues i cili është kanalizuar në 232 ndeshje dhe 9 gola dhe në aktualin numëron 11 ndeshje dhe qëllimi kryesor i tij është fitimi i kampionatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
