Manchester United ka mbëritur në Rusinë e largët për t’u ndeshur me kundërshtari e rradhës, Rostov për fazën e 1/8 të “Uefa Europa League”.
Lojtarët e skuadrës angleze kanë zbritur në fushën e blertë të stadiumit për të kryer seancën stërvitore ndërsa janë habitur nga ajo se çfarë kanë gjetur, një fushë që vetëm e tillë nuk mund të quhet, të paktën sipas Mourinho-s.
“The Special One” është shprehur kështu gjatë konferencës për shtyp, vetëm disa orë pasi shefi i klubit rus e quajti sipërfaqen një “problem”, rapoton “The Sun”.
Mourinho: “Është e vështirë për mua të besoj se do të luajmë në atë fushë, nëse mund të quhet një fushë. Nuk e di se çfarë formacioni të përzgjedh, nuk e di nëse Mkhitaryan do të luajë. Prisja një sipërfaqe më të mirë. I shpreha shqetësimet e mia një zotërie nga Uefa", thotë tekniku portugez.
Edhe Daley Blind dha mendimin e tij për fushën. “Të them të drejtën, fusha nuk është më e mira. Por nuk mund ta përdorim si justifikim.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
