Situata e Federico Chiesas tek Juventusi po rendohet me kalimin e kohës, duke qenë se drejtuesit po kërkojnë me ngulm largimin e tij.
Golashënuesi nuk përfshihet në planet e Thiago Mottas për sezonin e ri, të cilit i skadon kontrata në qershorin e 2025-sës.
Mesazhi është i qartë nga ishi i Bolognas, i përzgjedhur për ta rikthyer ‘’ Zonjën e Vjetër ‘’ tek titujt në vijimësi, edhe pse s’do të jetë e lehtë.
Për më tepër, numri një i stolit nuk e ka grumbulluar për miqësoren kundër Brestit, ç’ka do të thotë se historisë së tij me torinezët i ka ardhur fundi.
Megjithatë, 26 vjeçari ka cilësi të padiskutueshme, mjaft teknik dhe i shpejtë, një dhimbje koke e vazhdueshme për çdo rival, sidomos në duelet një kundra një.
Në të kaluarën, ishi i Fiorentinës spikati me Italinë, veçanërisht në Europianin e 2020-tës, të fituar nga kombëtarja ‘’ Trikolor ‘’.
Situata e tij po ndiqet me kujdes nga drejtuesit e Chelseat, një dëshirë e vjetër e tyre dhe mundësinë për tu transferuar në ‘’ Stamford Bridge ‘’ italianët po e konsiderojnë.
Premier League mbetet një destinacion i preferuar për shumë lojtarë dhe Federico Chiesa mund ti bashkohet ‘’ Bluve të Londrës ‘’ gjatë merkatos aktuale.
10 gola dhe 2 asiste në 37 sfidat e sezonit të shkuar me ish rekordmenët e Serisë A, shoqëruar me një lojë të vakët, natyrisht konsiderohen një statistikë e cila nuk përkon me potencialin real të këtij lojtari, i cili besohet se do ti vërë shumë shpejt pikat mbi i.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
