Southampton mori një fitore shumë të rëndësishme ditën e sotme në Premier League, aty ku mposhti 2-3 në transfertë West Ham.
Protagonist në këtë sfidë për Southampton, ishte edhe sulmuesi i Shqipërisë, Armando Broja. Ky i fundit, fitoi penalltinë për golin e dytë të skuadrës së tij në minutën e 61, e cila u shndërrua në gol nga Ward Prowse.
Broja pasi mori një top në mesfushë, u shkëput në drejtim të portës kundërshtare dhe pasi u fut në zonë, ndaj tij kishte ndërhyrje të parregullt, nga ana Craig Dawson. Gjyqtari fillimisht dha goditje nga këndi, por pas konsultimit me VAR, akordoi penallti.
Shqiptari vazhdon të shfaqë talentin e tij në një kampionat të madh siç është Premier League dhe falë paraqitjeve të tij më Southempton, ka fituar zemrat e tifozëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
