Tonali: Milani beson te përmbysja, të tentojmë golin që në fillim

Sandro Tonali, ishte nga të paktët lojtarë që spikati te Milani, në ndeshjen e parë në gjysmëfinale ndaj Interit, ku kuqezinjtë u mposhtën 0-2.

Mesfushori doli në konferencë për shtyp para sfidës së kthimit me zikaltërit, ku u shfaq besimplotë, për përmbysjen e rezultatit.

Tonali deklaroi se skuadra duhet ta nisë në sulm ndeshjen dhe të kërkojë golin që në fillim, për të tentuar më pas përmbysjen.

Ne jemi mirë, kemi pasur gjithmonë forcën për të rifilluar dhe do ta bëjmë edhe nesër. Sigurisht që duhet të bëjmë diçka më shumë se 100%, është një ndeshje që është më e rëndësishmja nga të gjitha, më e vështira. Ne fillojmë nga dy gola më poshtë dhe kjo do të ndikojë në diçka.

Besojmë te përmbysja, sepse do të jetë një ndeshje themelore dhe një gol mund të ndryshojë vërtet gjithçka, atëherë ndeshja do të bëhet e pafundme.

Tifozët gjithmonë na kanë dhënë diçka shtesë dhe na kanë shtyrë, ne e dimë se ata janë pranë nesh dhe tani duhet të jemi të bashkuar dhe të shkojmë në të njëjtin drejtim.

Fillimi është një nga gjërat më të rëndësishme, ne do të duhet të bëjmë një fillim të fortë dhe sulmues. Edhe pas dy humbjeve jemi të gjithë të bashkuar, nuk do të heqim dorë.