Gazetari Pano Xhixho, foli në emisionin “Skaner” në MCN TV, për Shqipërinë në Euro 2024.
Xhixho deklaroi se është e vështirë për të bërë parashikime, ndërsa theksoi se është një Europian për tu shijuar nga të gjithë.
Sipas tij, në formacionin e Shqipërisë mund të ketë dilema në qendër të mbrojtjes dhe në krahun e majtë të sulmit.
Nuk mund të bëjmë parashikime. Është një Europian që të gjithë duhet ta shijojmë, si ata në fushë dhe ata që do e ndjekin nga stadium dhe TV.
Këto miqësore janë kërkuar me kohë nga stafi dhe u realizuan nga FSHF. Humbja me Kilin na uli me këmbë në tokë. Duheshin ndeshje më të lehta para Europianit. Unë them që janë të gjitha masat që Shqipëria të bëjë kampionat dinjitoz. Shqipëria shkon e para nga të gjithë në grumbullimin në Gjermani.
Kushtet janë krijuar. Lojtarët janë pa probleme. Kemi një formë shumë pozitive të Bajramit. Asani nuk ka formën fizike, por ka instiktet. Dilema mund të jetë Ajeti-Ismajli. Ajeti duket si më në formë. Dyshim do jetë edhe krahu i majtë i sulmit, me Hoxhën që duket në formë shumë të mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
