Kalkulimet në lidhje me merkaton vijojnë vrullshëm tek Barcelona . Orët e fundit katalanasit e kanë ndalur fokusin tek nje lojtar shumë efikas në kampionatin brazilian . Flitet për Gerson Santos Da Silva që aktivizohet tek Flamengo . Lëvizjet me të tillë intensitet reflektojnë se uria e kuq e bluve për tu ringjitur në majën e Europës por edhe më gjerë është e pakufijshme . Një element që ka kontribuar shumë gjatë këtyre kohëve është padyshim presidenti Joan Laporta i cili ka treguar gjithmonë se nuk kursehet për skuadrën e tij të zemrës . Sipas zhvillimeve të fundit spanjollët janë shumë afër akordit me 23 vjeçarin që sipas portalit ‘’ Chiringuito de Jugones ‘’ do ti kushtojë arkave të ‘’ Blaugranëve ‘’ 25 milionë euro.
Gerson Santos Da Silva konsiderohet si një prej talentëve më të mëdhenj të Brazilit dhe sezonin e kaluar arriti të aktivizohet në 54 ndeshje në të cilat shënoi 3 gola dhe 4 asiste për shokët e skuadrës . Pavarësisht statistikave të arritura , në aspektin e trofeve mesfushori i lindur në Belford Roxo ka bërë hapa përpara sepse deri më tani numëron dy kampionate , dy superkupa , një kupë të kontinentit si dhe gjithashtu trofeun e magjishëm që ndryshe quhet Champions League e Amerikës së Jugut siç është Kupa Santander Libertadores.
Në rast se iniciativa e katalanasve do të ketë një fund të lumtur Gerson Santos Da Silva do të provojë edhe një herë eksperiencën në kontinentin e vjetër pas atyre në Serinë A me Romën dhe Fiorentinën por me një shije tjetër sepse do të bëhej pjesë e një ndër klubeve më të famshëm ne glob . Me transferimin e tij në ‘’ Camp Nou ‘’ Barcelona do të kërkojë ti shtojë rendimentin mesfusës dhe njëkohësisht të lërë pas eksperiencën e hidhur me Arthur Melon i cili pas dy sezonesh i dha lamtumirën përfundimtare dhe u bë pjesë e Juventusit .
Aktualisht ky lojtar është një ndër më të mirët në mbarë Brazilin dhe Barcelona beson fuqishëm se do të dijë ta përballojë rivalitetin në çdo kompeticion sepse talenti dhe uria për progres nuk do ta lënë në baltë . Nuk duhet harruar se deri në këtë stad të sezonit statistikat e arrira japin shpresë për të ardhmen sepse në 7 ndeshje ka shënuar 1 gol dhe ka asistuar në dy raste që konvertohen në 598 minuta aktivizimi .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
