Pavarësisht moshës mbi supe, Lionel Messi vijon të jetë tejet i preferuar gjatë merkatove.
Argjentinasi tashmë është drejt varjes së këpucëve në gozhdë, i cili me shumë meritë konsiderohet një ndër më të mirët e të gjitha kohërave.
Asi nga Rosario mund të ndihet tejet i privilegjuar pasi ka fituar çdo titull të mundshëm, në nivel klubesh dhe sigurisht me kombëtaren ‘’ Albiceleste ‘’.
Edhe tek Inter Miami niveli i sulmuesit vijon të impresionojë, fakt të cilin e demostrojnë statistikat e arritura.
Në sezonin aktual kapiteni i amerikanëve ka shënuar 28 gola dhe ka kontribuar me 12 asiste në 36 sfida, duke u shëndërruar në një referent në 11-shen e Javier Mascheranos.
Sipas ekspertit të merkatos Fabrizio Romano presidenti David Beckham ka avancuar me sukses në lidhje me rinovimin e ‘’ La Pulgas ‘’, hap i cili do ti japë shumë avantazhe Inter Miamit edhe në të tjera aspekte.
Vendimi i ishi-t të Barcelonës dhe Paris St Germain evidenton se do ta përfundojë karrierën në Major League Soccer, i cili i jep një impuls më tepër shokëve gjatë çdo sfide.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
