Shqipëria do të luajë disa miqësore para Europianit, në mënyrë që trajneri Silvinjo, të ketë një ide më të qartë për lojtarët që do të grumbullojë në Gjermani.
Deri tani nuk është zyrtarizuar asnjë miqësore, por sipas asaj që raportohet së fundmi, një nga kundërshtarët e kuqezinjve, do të jetë Hungaria.
Mediat hungareze, bëjnë me dije, se është arritur marrëveshja mes dy federatave, për të organizuar miqësore, ndërsa mbetet për tu vendosur data dhe ora.
Nga Hungaria, Shqipëria ka kujtime të mira, teksa në dy ndeshjet e fundit, për kualifikueset e Botërorit, kuqezinjtë të drejtuar nga Reja fituan dy herë me rezultatin 1-0, falë golave të Armando Brojës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
