Rendimenti i Dusan Vlahovic ka lënë shumë për të kuptuar gjatë kohëve të fundit . Serbi i cili mbron ngjyrat e Fiorentinës vazhdon të spikasë në Serinë A dhe orët e fundit dy gjigandë të Premier Leagues kanë shfaqur interes për të përfituar shërbimet e tij . Liverpooli dhe Manchester United do të luftojnë ashpër jashtë fushave të blerta për 21 vjeçarin e talentuar i cili mbetet një ndër referentët e padiskutueshëm të trainerit Giuseppe Iachini.
13 golat e shënuar në 31 ndeshjet e zhvilluara gjatë sezonit aktual me një kundërshtar të dorës së dytë siç janë ‘’ Vjollcët ‘’ ia kanë ndezur dritën e shpresës për të ardhmen e dëshiruar . Si Jurgen Klopp ashtu edhe Ole Gunnar Solskjaer kanë mbetur të pakënaqur me rendimentin e përgjithshëm të repartit të avancuar dhe do të kërkojnë me çdo kusht për të bërë ndryshimet përkatëse për ti shërbyer me efikasitet pasardhësit . Megjithatë kësaj gare nuk mund ti shpëtonin as ‘’ Los Blancos ‘’ të cilët janë gjithmonë në dijeni të progresit të elementëve të tillë dhe masin forcat në të shumtat e rasteve me ekipet më potentë si në aspektin sportiv ashtu edhe në atë ekonomik .
Për momentin nga skuadrat e interesuara nuk ekziston një ofertë konkrete për sulmuesin nga Beogradi por ditët vijuese do të flitet në mënyrë më të detajuar për këtë operacion që në plan të parë tingëllon tepër interesant dhe parashikohet se do të rezultojë surprizues gjatë merkatos së verës sepse bëhet fjalë për skuadra shumë të famshme në botën e futbollit. Në aspektin personal interesi i tyre pa diskutim i ka krijuar një lloj ndjesie të veçantë Dusan Vlahovic-it që njëkohësisht tregon se i ka bërë shumë mirë detyrat deri në këtë stad të karrierës .
Një fakt domethënës që mund t’ia ndryshojë destinacionin këtij lojtari është se në rastin e një qëndrimi të mundshëm në ‘’ Artemio Franchi ‘’ nuk do të kishte pothuajse asnjë shans për të fituar trofe të rëndësishëm si në aspektin personal ashtu edhe në atë kolektiv sepse prej shumë sezonesh rradhazi ‘’ Vjollcët ‘’ konsiderohen si një ekip i mesit të tabelës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
