Nuk ka fitues në kryeqytet, Dinamo dhe Skënderbeu ndahen në barazim

U mbyll në barazim 1-1, supersfida e Kategorisë së Parë, mes Dinamos dhe Skënderbeut, e vlefshme për javën e 15-të.

Korçarët kaluan të parët në avantazh me Temitope në minutën e 7-të, me sulmuesin që përfitoi nga një dalje e gabuar e portierit Crosta, për ta dërguar topin në rrjetë.

Kryeqytetasit nuk u dorëzuan në asnjë moment, duke tentuar vazhdimisht golin, ku goditën edhe një herë tranversën.

Goli i barazimit erdhi në minutën e 82-të, ku Babacar, shfrytëzon në top në zonë, për ta dërguar në portën e Ruçit.

Me këtë barazim, Dinamo mbetet në vendin e parë me 31 pikë, ndërsa ndjek Skënderbeu me 27 pikë.