Gugash Magani nuk është më trajner i Egnatias. Ka qenë vetë klubi rrogozhinas që ka komunikuar mbylljen e bashkëpunimit mes palëve.
Një largim i papritur ky, duke ditur se Egnatia deri tani ka bërë mirë në kampionat. Nuk dihen ende arsyet që sollën këtë divorc mes palëve.
Kujtojmë se Magani e mori drejtimin e Egnatias në verën e vitit të kaluar në Kategorinë e Parë, ku arriti të sigurojë ngjitjen në Superiore, aty ku këtë sezon pas 10 javëve të para, numërojnë 11 pikë dhe renditen në vendin e 8-të, por duke ditur se rivalët më sipër janë shumë afër me pikë.
Fatale për Maganin ka rezultuar humbja e fundit ndaj Kukësit në kampionat, e cila duket se nuk është pritur mirë në kampin rrogozhinas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
