Pavarësisht performancës së dobet me Romën në sezonin aktual , në derën e Jose Mourinhos vijojnë të trokasin ekipe mjaft interesante. Së fundmi është përfolur për një rikthim të ‘’ The Special One ‘’ në ‘’ Santiago Bernabeu ‘’ si zëvëndësues i Carlo Ancelottit por gjithashtu ka marrë oferta edhe nga Federata e Arabisë Saudite për të drejtuar ekipin kombëtar . Sipas ‘ Il Corriere dello Sport ‘ në orët e fundit drejtuesit e Al Ahli dhe Al- Ittihad janë shprehur se janë të gatshëm ti ofrojnë deri në 50 milionë euro në sezon 60 vjeçarit. Ishi i Portos, Manchester United dhe Interit ndër të tjerë e përfundon kontratën me ‘’ Verdhekuqtë ‘’ në 2024-tën dhe duhet theksuar se falë karrierës së mrekullueshme , të shoqëruar me shumë tituj, ka privilegjin të vijojë të konsiderohet si një ndër më të mirët në stol. Sigurisht transferimet e bujshme në këtë ligë janë bërë tendencë në kohët e fundit dhe mbetet për tu parë se cili do të jetë vendimi i trainerit nga Setubal për vijimësinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
