Derbi Dinamo-Tirana në Kupë, zbulohen 8 çiftet për turin e dytë

Ditën e sotme u luajtën edhe ndeshjet e fundit të turit të parë, teksa u përcaktuan të gjitha skuadrat që do të vazhdojnë për në turin e dytë.

Në Grupin A, spikat derbi i kryeqytetit Dinamo-Tirana. Pasi kaluan me sukses në turin e parë, të dyja këto skuadra do të kërkojnë triumfin e radhës në Kupë. Sfidat e tjera në këtë grup janë: Besëlidhja-Partizani, Korabi-Teuta dhe Bylis-Skënderbeu.

Sfidat interesante nuk mungojnë as në Grupin B, aty ku Vllaznia në ndeshjen e parë sfidon Pogradecin, ndërsa Laçi përballet me Tomorin. Do të kemi edhe një sfidë mes dy skuadrave që militojnë në Superiore, Egnatia-Kukësi, teksa edhe ndeshja e fundit është ajo mes Flamurtarit dhe Kastriotit.

Ndeshjet e para për turin e dytë në Kupë, do të luhen më 3 nëntor, ndërsa sfidat e kthimit pas 2 javëve, më 17 nëntor.  

Çiftet e turit të dytë:

GRUPI A

Dinamo-Tirana

Besëlidhja-Partizani

Korabi-Teuta

Bylis-Skënderbeu

GRUPI B

Pogradeci-Vllaznia

Laçi-Tomori

Flamurtari-Kastrioti

Egnatia-Kukësi