Fiksimi i Cristiano Ronaldos për tu aktivizuar në Champions League e bën edhe më të ashpër garën ndërmjet ekipeve për të përfituar shërbimet e yllit portugez.
Erik Ten Hag vijon të mos e ketë të qartë se a do të mund të adaptohet sulmuesi në skemat e tij dhe ky fakt e përshpejton largimin e golashënuesit nga ‘’ Old Trafford ‘’ .
Por karriera brilante e tij gjithmonë do t’ia mbajë hapur dyert për një të ardhme ndryshe dhe duke ditur qëllimet për të ardhmen, tre kandidatë janë hedhur në sulm për ‘’ Cr7 “ .
Një ndër to është Chelsea .
Largimet e Romelu Lukakut dhe Timo Wernerit kanë krijuar boshllëk në ofensivën e ‘’ Bluve të Londrës “ , lëvizje që ka marrë ‘’ Ok ‘’ e pronarit Todd Boehly ndërsa Thomas Tuchel vijon të jetë paksa skeptik pavarësisht se ishi i Sporting Lisbonës është një lojtar unik.
As Roma e Jose Mourinhos nuk ka ngurruar për ta tentuar transferimin e 37 vjeçarit në ‘’ Olimpico ‘’.
‘’ The Special One ‘’ është një motiv më shumë për çdo lojtar të elitës dhe në rastin konkret me bashkombasin e tij ka shumë të përbashkëta.
Firmosja me Paulo Dybalan ka treguar potencialin e ‘’ Verdhekuqve ‘’ të cilët pa dyshim do të jenë një ndër kandidatët për të fituar Serinë A pa mënjanuar edhe ndonjë surprizë në Europë , sidomos pas suksesit në Conference League.
Edhe Bayern Munchen po tenton firmosjen me sulmuesin nga Madeira .
Largimi i Robert Lewandowskit i ka prishur disi ekuilibrat në ofensivën e bavarezëve dhe transferimi i Cristiano Ronaldos në ‘’ Allianz Arena ‘’ mund ta qetësojë Julian Nagelsmannin edhe pse praktikisht merkatoja e rekordmenëve të Bundesligës është drejt përfundimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
