Trajneri i Erzenit, Alfred Deliallisi, u shfaq i lumtur pas fitores me Dinamon.
Për MCN TV, Deliallisi deklaroi se fitoren ia dedikon mikut të tij, që pas pak ditësh do të kryejë transplant në Turqi.
Dua të komplimentoj djemtë për ndeshjen. Ishte një fitore e merituar. Ishte ndeshje me dy tablo. Në pjesën e parë dominuam dhe mund të shënonim edhe një gol tjetër. Në pjesën e dytë, ekipi u fut me idenë për të mos pësuar. Përveç territorit të fushës, nuk mendoj se Dinamo kishte raste të tjera për shënim.
Unë kam besim absolut te ky grup lojtarësh. Besoj te kualiteti që kanë. Ky lloj grupi, ka vetëm 3-4 javë që punojnë me njëri-tjetrin.
Në të ardhmen do ndërlidhen më shumë me njëri-tjetrin dhe të shkojmë në maksimumin të përgatitjes fizike.
Kam një shok shumë të ngushtë, i cili është në moment të vështirë, i cili do të bëjë transplant të veshkave në Turqi. Këtë fitore ia dedikoj Krenarit, ia kisha premtuar para ndeshjes që do fitojmë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
