Me shumë siguri e ardhmja e Andre Onanas do të jetë larg ‘’ Old Traffordit ‘’.
Prej muajsh kamerunasi vijon të ketë ulje-ngritje poshtë tre shtyllave, fakt i cili si duket e ka mbushur kupën.
Këtij fakti i shtohet edhe transferimi i portierit Senne Lammens, ç’ka do të thotë se 29 vjeçari nuk bën më pjesë në planet e trainerit Ruben Amorim.
Paraqitjet jo dinjitoze, të shoqëruara shpeshherë me gabime ia kanë vënë pikën eksperiencës tek 20 herë kampionët e Premier Leagues, një ndër klubet më të pasur të botës.
Sipas ‘ TeamTalk ‘, kanë filluar të qarkullojnë zërat se e ardhmja e ishi-t të Ajaksit dhe Interit mund të jetë në Turqi ose Arabinë Saudite.
Njëkohësisht një transferim i mundshëm në secilën prej këtyre ligave do të pasohej edhe me një rrogë më të lartë për Andre Onanan, i cili gjithsesi mbetet një portier me shumë vlera.
Si Arabia Saudite ashtu edhe Turqia konsiderohen një opsion atraktiv për vijimësinë, me objektivin e rikuperimit të terrenit të humbur dhe të shëndërrohet në elementin e dikurshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
