Koha kalon shumë shpejt dhe ekipet i rikthehen dëshirave të së kaluarës.
Një ndër to është edhe Milani, drejtuesit e të cilit vijojnë të mendojnë për Jonathan David, një sulmues i cili po lë gjurmë tek Lilla.
Kanadezi e përfundon kontratën me francezët në 30 qershorin e 2025-sës dhe statistikat e arritura evidentojnë se mbetet shumë i rrezikshëm në metrat e fundit.
17 gola dhe 6 asiste në 33 sfida flasin qartë për potencialin e tij por sipas informacioneve ekziston mundësia që drejtuesit e Lilles ti ulin pretendimet dhe të lejojnë largimin e nxënësit të Paulo Fonsecas për shifrën e 40 milionë eurove.
Përpara pak kohësh vlera e kartonit të ishi-t të Gentit arriti 60 milionë eurot, por si duket objektivi i ish fituesve të Ligue 1 është shitja e tij dhe ‘’ Djalli ‘’ sigurisht konsiderohet një destinacion tejet interesant për vijimin e karrierës.
Gjithsesi, italianët s’do ta kenë të lehtë sepse Jonathan David pretendohet edhe nga të tjerë ekipe dhe merkatoja e veres pritet të jetë vendimtare për vijimësinë.
Në të kaluarën edhe Bayern Muncheni i trokiti në derë dhe ecuria shumë e mirë po i shton pretendentët me kalimin e kohës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
