Arabia Saudite vijon të jetë një destinacion shumë i preferuar për lojtarë të cilët lanë gjurmë në të kaluarën në kontinentin e vjetër.
Si duket Kevin De Bruyne do ti bashkohet listës pasi sipas gazetarit Rudy Galetti, belgu ka arritur një marrëveshje me Al-Ittihad.
Thuhet se drejtuesit e Manchester City-t e kanë pranuar largimin e mesfushorit nga ‘’ Etihad ‘’, kontrata e të cilit skadon në 2025-sën.
Duhet kujtuar se kjo skuadër pati një periudhë renie nën drejtimin e Marcelo Gallardos, i cili i dha fund eksperiencës para dy ditësh.
Me ishi-n e River Plates në stol, Al- Ittihad arriti statistika për tu harruar, konkretisht 15 fitore, 15 humbje dhe 4 barazime, të cilat ja kanë pamundësuar qëndrimin tek të ashtuquajturit ‘’ Tigrat ‘’.
Nuk duhet anashkaluar as një episod shumë i çuditshëm, duke qenë se ‘’ El Muneco ‘’ kërkoi largimin e Karim Benzemas nga ekipi.
Drejtuesit e Al- Ittihad kanë filluar të punojnë me shumë përkushtim për të gjetur një zëvëndësues sa më shpejt dhe flitet se Stefano Pioli mund të marrë drejtimin e kësaj skuadre.
Për sa i përket Kevin De Bruyne, duhet theksuar se kemi të bëjmë me një lojtar shumë kualitativ, i cili me siguri do të joshet nga ofertat marramendëse pasi ekipet e Arabisë Saudite në përgjithësi shquhen për të tilla iniciativa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
