Rikthehet Kupa e Shqipërisë, sot do të luhen katër sfida

Ditën e sotme do të luhen 4 sfidat e kthimit, të vlefshme për turin e parë në Kupën e Shqipërisë.

Në Grupin A, Bylisi pret Pogradecin, në një ndeshej ku kualifikimi për ballshiotët nuk duket i vështirë, pas fitores 3-0 në ndeshjen e parë. Ndeshja tjetër është ajo mes Tërbunit dhe Lushnjës, në orën 15:00, ku lagunarët vijnë si favoritë pas fitores 2-0 në ndeshjen e parë.

Në Grupin B, Laçi pret Devollin në 13:00, me kurbinasit që kanë fituar ndeshjen e parë 2-0.

Në Durrës, Teuta pret Luzin në 14:00, me vendasit që do të kërkojnë fitoren, pas barazimit pa gola në ndeshjen e parë.

Ndërkohë ndeshja mes Dinamos dhe Butrintit, nuk do të zhvillohet, për shkak se klubi sarandjot është tërhequr.