Si shumë lojtarë të tjerë,mesfushori Frenkie de Jong nuk i ka bërë mirë detyrat tek një Barcelonë tek e cila nuk lejohet asnjë hap fals në vijimësi . Për këtë arsye katalanasve nuk i ka ngelur gjë tjetër veçse ta vënë në shitje hollandezin për të rikuperuar një pjesë të investimit të bërë në merkaton e 2019-tës .
Pavarësisht idesë së tyre , Paris St Germain dhe Manchester City mendojnë ndryshe dhe e konsiderojnë një lojtar cilësor që do të mund ti shërbente skemave të Mauricio Pochettinos apo Pep Guardiolas në të ardhmen .
Por duket se 24 vjeçari nuk do të dorëzohet dhe kërkon ta dëshmojë me Xavi Hernandez në pankinë se është një lojtar që s’ka mbërritur kot në ‘’ Camp Nou ‘’ por është i gatshëm të japë më të mirën për ecurinë e spanjollëve . Objektivi i vetëm i mesfushorit të talentuar është shfaqja e vlerave të dikurshme që e shëndërruan në një emblemë tek Ajax Amsterdami , trampolinë që i shërbeu për të zbarkuar në Katalunjë .
Një pjesë gjithashtu e rëndësishme është edhe aspekti ekonomik i ‘’ The Citiziens ‘’ dhe ‘’ Les Pariziens ‘’ që do ti vinte në ndihmë arkave të ‘’ Los Cules ‘’ për të vijuar progresin me hapat e duhur në funksion të goditjeve cilësore në merkato .
Kjo çështje konsiderohet prioriteti i rradhës i spanjollëve të cilit duhet ti japin zgjidhje të menjëhershme sepse vlera e Frenkie de Jong është në lartësinë e kërkesave të kësaj Barcelone që i duhet të ndërmarrë aksione të shpejta për tu afruar me mbylljen e këtij kapitulli njëherë e përgjithmonë .
Nëse marrim parasysh ecurinë ndër vite të bardhekaltërve dhe kryeqytetasve , e vetmja ëndërr në sirtar e tyre padyshim është fitimi i Champions Leagues , kompeticion në të cilin nuk do të ndalen deri sa ta shtojnë në vitrinën e mbushur me trofe .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
