Edhe pse ecuria e Paris St Germain në Ligue 1 po i përmbush pritshmëritë e Luis Enriques, numri një i stolit vijon i pakënaqur me rendimentin e disa lojtarëve.
Një prej tyre është Gonçalo Ramos, i cili i entuziazmoi kuq e blutë me transferimin ne ‘’ Parque de Prince ‘’ gjatë verës.
Për shërbimet e portugezit Nasser Al Khelaifi shpenzoi 70 milionë euro, shifër e cila deri më tani nuk është justifikuar aspak nga ishi i Benfikës.
Situata e 22 vjeçarit konsiderohet kritike pasi në katër sfidat e fundit me ‘’ Les Pariziens ‘’ numëron vetëm 1 minutë lojë kundër Metzit dhe kundër Le Havres, Nantes dhe Lensit u aktivizua si zëvëndësues.
Duke iu referuar aspiratave të francezëve, ky fakt konsiderohet i patolerueshëm dhe e vë ndjeshëm në rrezik qëndrimin tek fituesit në fuqi të Ligue 1.
Vendimi i 53 vjeçarit nga Gijon dëmton në njëfare mënyre edhe Kylian Mbappen, pavarësisht se cilësitë e tij nuk kanë nevojë për koment, i cili mbetet referenti kryesor i kësaj skuadre, e cila synon fitimin e sa më shumë titujve në sezonin aktual.
4 gola në 19 sfida konsiderohen statistika për tu harruar dhe mbetet për tu parë se çfarë do të ndodhë me të ardhmen e Gonçalo Ramos deri në fundin e merkatos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
