Moratti: Situata te Interi do të përkeqësohej nëse Zhang është i detyruar të shesë klubin

Ish-presidenti i Interit, Massimo Moratti, ka folur për situatën aktuale te Interi si dhe zërat se presidenti Zhang, do të shesë klubin.

Moratti u shpreh se kur kinezët morën klubin në fillim, ishin në gjendje të mirë financiare. Gjithashtu ai shtoi se rast se Zhang është i detyruar të shesë Interin, atëherë situata për klubin zikaltër do të përkeqësohej.

Nuk i di llogaritë e klubit dhe as ato personale të familjes Zhang. Sigurisht që kur erdhën ishin në gjendje të mirë financiare. Kanë ndryshuar shumë gjëra, nuk e di se cila mund të jetë zgjidhja.

Nuk ka probleme të mëdha, por duhet kuptuar dhe kush janë qëllimet e Zhang. Nëse synon që të mbajë klubin apo është i detyruar që ta shesë? Nëse ndodh kjo e fundit, atëherë situata do të përkeqësohej akoma më shumë.

Si mund të ringrihet Interi? Duhet të fitojë, të ketë shumë krenari dhe dëshirë për të treguar se është një skuadër e madhe. Krenaria besoj se duhet të jetë një shtysë e madhe për këta lojtarë. Interi nuk është në një pozicion komod, por distancat janë akoma të vogla. Jemi akoma në fillim, ndoshta në mes të kampionatit problemet do të zgjidhen.