Laçi është rikthyer te fitorja, teksa mposhti 4-1 Kastriotin, në ndeshjen e vlefshme për javën e 18-të në Abissnet Superiore.
Kurbinasit u shfaqën dominues që në fillim dhe gjetën rrugën e rrjetës që në minutën e 16-të, me autor Vasil Shkurtajn. 15 minuta më vonë, Spahiu dyfishoi shifrat.
Pjesa e dytë foli sërish për kurbinasit që shënuan edhe dy herë të tjera me Akinyemi në minutën e 49-të dhe Geci në minutën e 92-të. Golin e vetëm për Kastriotin e shënoi Cela në minutën e 81.
Me këtë fitore, Laçi mban vendin e 6-të me 23 pikë, ndërsa Kastrioti mban vendin e 8-të me 19 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
