Kylian Mbappe vendosi të rinovojë kontratën, e cila do e mbajë të lidhur me PSG, deri në vitin 2025. Pavarësisht se dukej shumë afër kalimit te Real Madrid, skuadër e cila e ndjek prej kohësh, sulmuesi vendosi të qëndrojë te PSG.
Vetë lojtari ka reaguar për këtë, duke thënë se nuk ishte momenti i duhur për t’u larguar nga Franca, ndërsa shtoi se është mirënjohës për dashurinë e Real Madrid.
Nuk e mendoja se ishte momenti i duhur që unë të largohesha nga vendi ku jam rritur dhe prej nga jam.
Unë e vlerësoj të gjithë përpjekjen që Real Madridi bëri, duke bërë gjithçka që mundi për të më bërë të lumtur. Unë jam mirënjohës për dashurinë e tyre dhe e kuptoj zhgënjimin e tyre. Siç thashë, unë jam francez dhe si francez, doja të qëndroja këtu. Jam i kënaqur me vendimin tim. Mund të ndodhë në të ardhmen e afërt. Nuk e di se çfarë do të ndodhë pas tre vjetësh.
Sinqerisht, ne folëm vetëm për pagat dhe të drejtat e imazhit për një kohë të shkurtër. Të luash me lojtarët më të mirë është ajo që dua. Kishim një vit të vështirë pasi ishte viti i parë i Lionel Messit dhe Neymar ishte i dëmtuar, kështu që ne nuk mund të luanim shumë bashkë të tre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
