Real Madrid ka fituar thellësisht 8-0 ndaj Malmo, duke arritur një rezultat historik në fazën e grupeve të Champions League, ku skuadra e Benitez kualifikohet si vendi i parë i Grupit A, me tre pikë më shumë se Paris SG, që fitoi 2-0 ndaj Shakhtar Doneck, në ndeshjen tjetër të këtij grupi.
Karim Benzema shënoi golin e parë për Realin, në minutën e 12-të, për të 2 fishuar shifrat pak minuta më vonë, pas krosimit të marrë nga Cristiano Ronaldo. Përpara fundit të pjesës së parë, Ronaldo shënoi golin e tretë me një goditje të fortë dënimi, e cila nuk mund të pritej nga portieri Johan Wiland.
Sapo nisi pjesa e dytë Ronaldo shpalosi shfaqjen personale duke shënuar tre gola në 14 minuta dhe duke i çuar shifrat në 6-0. Portugezi arriti rekordin me 11 gola të shënuar në 6 ndeshjet e fazës me grupe të Champions League, si askush tjetër në të kaluarën.
Ndërkohë, në ndeshjen tjetër të Grupit A, Zlatan Ibrahimovic dhe Lucas Moura shënuan për Paris SG në fitoren 2-0 ndaj Shakhtar Doneck, e cila i jep mundësinë kampionëve të Francës që të kualifikohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
