Fakti se nuk bën më pjesë në planet e Xavi Hernandez për të ardhmen është pasuar me interesin e disa ekipeve për Franck Kessien, kryesisht në Premier League. Liverpooli është një ndër pretendentët për mesfushorin nga Bregu i Fildishtë , pas largimit të Fabinhos , Milner dhe Henderson , shumë të rëndësishëm në të kaluarën për ‘’ The Redsat ‘’. Prioriteti i Jurgen Klopp është gjetja e elementëve të duhur për të përballuar sezonin vijues, i cili si gjithmonë parashikohet shumë i ashpër dhe me të papritura për arsye se niveli i ekipeve sa vjen edhe rritet. Momentalisht Liverpooli konsiderohet favorit për ta transferuar ishi-n e Atalantës në ‘’ Anfield Road ‘’ , i cili duket se i ka ditët e numëruara tek katalanasit dhe nëse do të vendosë të vihet nën urdhërat e trainerit gjerman, do të startonte eksperiencën e tretë ndër pesë ligat më të rëndësishme të kontinentit të vjetër. 26 vjeçari e finalizoi sezonin me 3 gola në 43 sfida por nuk e ka bindur numrin një të stolit, një ndër më të mirët në këtë pozicion në të kaluarën si lojtar , i cili la gjurmë tek skuadra e zemrës dhe gjithashtu tek kombëtarja ‘’ La Furia Roja ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
