Partizani u shpall kampion i Shqipërisë për sezonin 2022-2023, pas fitores në shtëpi ndaj Teutës.
Presidenti i të kuqve, Gaz Demi, nëpërmjet një postimi në faqen e klubit, iaka dedikuar këtë sukses, tifozëve të Partizanit.
Sipas tij, stadiumi “Arena e Demave” ishte flakë e kuqe, ashtu siç ai e kishte ëndërruar në fillim të projektit.
Mesazhi i Demit:
Dua të uroj fillimisht gjithë ata që kontribuuan në këtë titull të 17-të, gjithë familjen Partizani, nga i pari tek i fundit në klub. Por, sot në mënyrë të veçantë, dua të falënderoj dhe të uroj tifozerinë tonë të zjarrtë. Ky titull është për ju. Jeni shpirti, zemra dhe grinta e këtij ekipi kampion.
Faleminderit që jeni sjellë në mënyrë korrekte gjatë gjithë sezonit, ashtu siç i ka hije tifozerisë së kuqe. “Arena e Demave”, të hënën e 29 Majit ishte flakë e kuqe, ashtu siç unë e kam ëndërruar që në startin e këtij projekti. Jeni kampionë edhe ju! Jemi një familje… Ju përqafoj të gjithëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
