Sulmuesi David Neres po përjeton kohë të vështira tek Ajax Amsterdami . I konsideruar si ‘’ Neymari i ri ‘’ aktualiteti për yllin e hollandezëve vijon të mos i përmbushë pritshmëritë e drejtuesve .
Niveli i 24 vjeçarit ka rënë ndjeshëm dhe kjo situatë ka filluar si shqetësojë gjigandët e Eredivisies . Niveli i shkëlqyer i Antony dhe Berghuis e kanë lënë disi në prapavijë brazilianin dhe tashmë kanë filluar të bien këmbanat e alarmit për nxënësin e Erik Ten Hag .
Megjithatë shpresat për të nuk janë tërësisht të humbura sepse sipas presitgjozes As disa pretendentë në Serinë A vijojnë luftën për ta larguar nga ‘’ Johan Cruyff Arena ‘’.
Kohët e fundit emri i tij u përfshi në listën e disa ekipeve me emër në Europë , përfshi këtu dhe Atletico Madridin me Sevillan por momentalisht shanset më konkrete janë në Scudetto pa përjashtuar rikthimin në Brazil , aty ku filloi të hidhte hapat e parë drejt famës .
Pavarësisht se është ende herët për të dhënë një vendim përfundimtar David Neres e ka filluar mirë sezonin dhe deri më tani ka mbrojtur në 7 sfida ngjyrat e Ajax Amsterdamit të cilat i ka shoqëruar me 2 gola .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
