Partizani vazhdon me përforcimet në merkaton e janarit. Klubi i kuq ka prezantuar ditën e sotme afrimin e mbrojtësit Andi Hadroj.
22-vjeçari vjen nga skuadra e Bylisit, ku ka shkëlqyer me paraqitjet e tij dhe tashmë do të kërkojë të lërë gjurmë me “demat”.
Pozicioni natyral i Hadrojit është mbrojtës i djathtë, por mund të luajë edhe në krahun e majtë.
“Partizani zyrtarizon arritjen e marrëveshjes me lojtarin Andi Hadroj. Mbrojtësi 22-vjeçar pas eksperiencave te Laçi dhe Bylis do të jetë pjesë e të kuqve në Superligë. Hadroj i cili ka nënshkruar me Partizanin një kontratë për dy vite e gjysmë është vënë menjëherë nën urdhrat e trainerit Dritan Mehmeti.”, thuhet në njoftimin e Partizanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
