Përpjekjet e drejtuesve të Barcelonës lidhur me merkaton e verës vazhdojnë.
Tek ‘’ Los Cules ‘’ priten ndryshime, sidomos në ofensivë.
Traineri Hansi Flick po jep maksimumin për të vijuar në të njëjtën linjë edhe në sezonin e ardhshëm i cili e ka përqëndruar vëmëndjen më së shumti tek ofensiva.
Disa emra po analizohen dhe në orët e fundit listës i është shtuar edhe ai i Cucho Hernandez.
Kolumbiani ka zhvilluar një sezon fantastik me Real Betisin, i finalizuar me 14 gola dhe 3 asiste në 37 sfida.
Mirëpo krerët e andaluzëve nuk kanë ndërmend ta shesin golashënuesin dhe në fakt në janar refuzuan një ofertë prej 25 milionë eurosh.
Largimi i Robert Lewandowskit i detyron ‘’ Blaugranët ‘’ për të gjetur një tjetër element bindës, objektiv i cili do të jetë tejet i vështirë.
Ndërkohë, ishi i Getafes e njeh shumë mirë Barcelonën dhe La Ligan në tërësi dhe mund ta konsiderojë kalimin në ‘’ Camp Nou ‘’.
Natyrisht që Manuel Pellegrini nuk do të humbasë një ndër pilarët e 11-shes, edhe pse interesi i katalanasve përbën një avantazh për karrierën e Cucho Hernandez në tërësi.
Qartësisht oferta e Joan Laportas duhet të jetë më bindëse por duhet marrë parasysh edhe pozicioni i presidentit të Real Betisit Angel Haro dhe pa dyshim numrit një të pankinës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
