Të qënit një ndër më të mirët e Villarealit prej kohësh, e ka vënë Alex Baenan në qendër të vëmëndjes të ekipeve me emër.
Në Spanjë Atletico Madridi dhe gjithashtu në Angli Manchester United dhe Chelsea do të masin forcat për përfitimin e shërbimeve të 22 vjeçarit gjatë merkatos së verës.
Drejtuesit e Villarealit janë të ndërgjegjshëm se do të jetë shumë e vështirë ta ndalojnë largimin e spanjollit nga ‘’ La Ceramica ‘’, kontrata e të cilit skadon në 30 qershorin e 2025-sës.
Rritja në lojë ka ndikuar edhe tek vlera e kartonit të Alex Baenas, e cila aktualisht arrin 35 milionë eurot.
Duke iu referuar pretendentëve, sidomos ‘’ The Red Devilsave ‘’ dhe ‘’ Bluve të Londrës ‘’, një shifër e tillë është lehtësisht e përballueshme, për një ndër lojtarët më të spikatur të La Ligas.
Prej dy vitesh ishi i Gironas mbron ngjyrat e ‘’ Nëndetëses së Verdhë ‘’ dhe në sezonin aktual ka gjetur rrugën e rrjetës në 5 raste gjatë 37 sfidave të luajtura.
Faktikisht interesi për nxënësin e Marcelino Garcia Toral ka filluar me kohë, i cili mund të shëndërrohet në një ndër lëvizjet më të bujshme në merkaton e verës.
Në të kaluarën Alex Baena ishte pjesë e suksesit historik të Villarealit, skuadër e cila fitoi Europa Leaguen dhe ecuria impresionuese parashikohet se do ti sigurojë të tjerë pretendentë në vazhdimësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
