Antonio Conte u shkarkua nga drejtimi i Tottenham pak kohë më parë, për shkak të rezultateve negative dhe atmosferës aspak të qetë në skuadër.
Megjithatë trajnerin italian mund ta shohim sërish në Premier League për sezonin e ardhshëm.
Sipas asaj që raportojnë mediat britanike, Conte është në listën e preferencave të presidencës së Chelsea, për të drejtuar londinezët sezonin e ardhshëm.
Italiani pëlqehet nga drejtuesit e Chelsea, pasi e njeh edhe mirë skuadrën, për shkak se i ka drejtuar në të kaluarën, me të cilët ka fituar edhe titullin kampion në vitin 2017.
Së bashku me Conten në listën e Chelsea për të drejtuar skuadrën janë edhe Luis Enrique dhe Julian Nagelsmann, ndërsa deri në fund të këtij sezoni drejtimi i është besuar Lampard.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
