Me Luis Suarez drejt moshës 35 vjeçare Diego Simeone ka filluar të mendojë për një lojtar që do të rifreskojë sulmin e Atleticos .
Argjentinasi është një trainer tejet i identifikuar me ‘’ Los Colchoneros ‘’ me të cilët arriti të thyejë akullin në Primera Division duke u shpallur kampion . Nga ‘’ El Cholo ‘’ do të kërkohet vijimi në të njëjtën linjë dhe duket se e ka gjetur zëvëndësuesin për uruguajanin .
Sulmuesi Arnaut Danjuma ka shfaqur një lojë për tu duartrokitur me Villarealin , skuadër që suprizoi sezonin e kaluar duke fituar Uefa Europa League.
Një ndër karakteristikat më të vlerësuara nga 51 vjeçari është përshtatja e nigerianit në çdo pozicion të ofensivës , fakt që ka avantazhuar ‘’ Nëndetësen e Verdhë ‘’ për të qenë më efektive përpara portës .
Vera e kaluar theksoi një investim të rëndësishëm të spanjollëve të cilët e transferuan 24 vjeçarin nga Bournemoth .
Duhet shtuar se për ekipin nga Castellon ky transferim u konceptua si më i shtrenjti në historinë e tyre sepse shpenzuan 23.5 milionë euro . Adaptimi i Arnaut Danjuma-s në Primera Division nuk hasi aspak vështirësi dhe e kuptoi menjëherë ideologjinë e Unay Emery-s.
6 gola dhe 2 asiste në 12 ndeshjet me Villarealin evidentojnë se jemi përpara një sulmuesi shumë cilësor të cilit i është hapur një derë për tu rritur si në anën individuale ashtu edhe në atë kolektive .
Pavarësisht se ky operacion mbetet në kontekstin e parashikimeve , sigurisht largimi i afrikanit nga ‘’ El Madrigal ‘’ ka një koefiçent të lartë për shkak të rëndësisë tek spanjollët të cilët kurrsesi s’do ta lejonin fuqizimin e një kundërshtari direkt në La Liga .
Gjithsesi të qënit i pretenduar nga ‘’ Los Colchoneros ‘’ tregon shumë sepse ka befasuar në një ndër kampionatet më të bukur të planetit pa përjashtuar as Champions Leaguen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
