Sulejman Starova, në rolin e specialistit të futbollit, foli në emisionin “Skaner” në MCN TV, për eliminimin e Partizanit dhe kualifikimin e Laçit në Conference League.
Sipas Starovës, Partizani e kishte mundësinë të kualifikohej edhe duke luajtur keq, me rastin e Skukës.
Për kualifikimin e Laçit me Iskra, Starova tha se kurbinasit bënë detyrën, ndërsa shtoi se me këtë skuadër, do të jenë pretendentë për titullin kampion.
Kishte mundësi ta fitonte ndeshjen Partizani edhe duke luajtur dobët, me rastin e Skukës.
Laçi bëri detyrën dhe e kishin detyrim fitoren. Ishte një kundërshtar më i dobët se Laçi. Ai barazim e bezdisi pak nga ndeshja e parë. Të shikojmë tani kundërshtarin tjetër. Tani nuk është një detyrë siç ishte te kjo ndeshja. Skuadra moldave mund të jetë më e mirë se Iskra.
Me Qato dhe Ujka dhe nëse arrijnë të mbajnë edhe Guindo, Laçi është pretendente për titullin kampion. I kanë ikur disa lojtarë, por janë përsëri po aq të fortë, do përforcohen edhe më shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
