Chelsea, deklaron largimet

Me Enzo Marescan në pankinë ka filluar një tjetër etapë në historinë e Chelseat .

‘’ Blutë e Londrës ‘’ janë në një periudhë rindërtimi dhe italiani ka filluar të mbajë shënime në lidhje me lojtarët aktualë dhe gjithashtu për merkatot vijuese.

Ben Chilwell është shëndërruar në të padëshirar për numrin një të stolit dhe sipas anglezes ‘’ The Mirror ‘’, kryeqytetasit janë të gatshëm të dëgjojnë oferta për mbrojtësin.

Tek një ekip si Chelsea nëse nuk jep maksimumin është shumë e vështirë të qëndrosh në ‘’ Stamford Bridge ‘’ sepse bëhet fjalë për një ekip i cili aspiron fitimin e titujve të rëndësishëm, në çdo sezon.

Dëmtimet e kohëve të fundit e kanë vënë në dyshim rendimentin e 27 vjeçarit, i cili po shqyrton disa oferta për të ardhmen.

Natyrisht që nën drejtimin e Enzo Marescas Chelsea ka filluar të rikuperojë terrenin e humbur në Angli dhe Europë pavarësisht se në sezonin aktual performon në Conference League, kompeticioni i tretë për nga rëndësia.