Laçi u eliminua në turin e dytë në Conference League nga moldavët e Petrocub. Paas rezultatit tejet pozitiv në ndeshjen e para, që e mbyllën me rrjeta të paprekura, kurbinasit zhgënjyen në ndeshjen e kthimit, pasi u mposhtën me shifrat e thella 1-4.
Kjo nuk ka lënë një shije të mirë te klubi i Laçit, të cilët nëpërmjet një komunikate zyrtare, bëjnë të ditur se do të merren masa dhe do ketë një revolucion në ekip.
Komunikata e klubit:
Humbja e djeshme 1-4 kundër Petrocub, që rrjedhimisht solli edhe eliminimin nga Conference League në turin e dytë eliminator, ka shkaktuar zhgënjim të madh në klubin tonë. Synimi ishte kalimi i turit dhe vazhdimi i një tradite pozitive në garat ndërkombëtare. Kjo gjë nuk ndodhi dhe nisur nga rezultati dhe loja e zhvilluar, KF Laçi do të marrë gjithë masat që të jetë gati për sezonin e ri futbollistik. Kjo nënkupton një revolucion në ekip, në të mirë të së ardhmes së klubit në çdo aspekt. Rikthehemi më të fortë! Para Laçi!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
