Skënderbeu vazhdon të zhgënjejë në Kategorinë e Parë. Korçarët u mposhtën ditën e sotme nga Korabi me rezultatin 2-1.
Vendasit e nisën mirë ndeshjen, duke fituar penallti që në minutën e 2-të, por Ruçi, priti gjuajtjen e Kekos.
Avantazhi nuk do vononte shumë, teksa në minutën e 8-të, Joti me një predhë nga jashtë zone e ndali topin në rrjetë. Skënderbeu barazoi në minutën e 41 me Zguron nga penalltia, por ishte sërish një penallti që i dha fitoren Korabit.
Në minutën e 60-të, ishte sërish Keko që u shfaq te pika e bardhë, por këtë herë u tregua i saktë, duke e dërguar topin në rrjetë.
Me këtë humbje, Skënderbeu zbret në vendin e shtatë me 13 pikë, ndërsa Korabi ngjitet në vendin e tretë me 17 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
