799 minutat e luajtura gjatë këtij sezoni e kanë eklipsuar figurën e Isco Alarcon në mesfushën e Real Madridit. Gjithsesi lojtarë të tillë gjithmonë e kanë asin nën mëngë dhe në rastin konkret spanjollit i ka buzëqeshur fati . Vlera aktuale e kartonit prej 20 milionë eurosh i krijon shanse të shumta spanjollit për të qenë disi i sigurtë për të ardhmen . Miliarderi dhe njëkohësisht kreu i presidencës kryeqytetase Florentino Perez ka deklaruar nxjerrjen në shitje të mesfushorit të lindur në Malaga gjatë merkatos së verës .
Me 28 vite mbi supe dhe me një pjekuri të dukshme mund të determinohet pa asnjë dyshim se profili i lojës së tij përputhet në perfeksion me çdo skuadër për arsye se polifunksionaliteti nga i cili karakterizohet i shoqëruar me talentin që mbart shëndërrohet në copëzën e munguar për plotësimin e kërkesave të tyre . Për të përfituar shërbimet e lojtarit të ‘’ La Furia Rojas ‘’ kontrata e të cilit me ‘’ Los Blancos ‘’ merr fund në qershorin e 2022- shit kanë treguar interes , Juventusi , Milani dhe Sevilla , ekipe që kanë një peshë specifike si në arenën europiane ashtu edhe më gjerë . Për sa i përket ‘’ Zonjës së Vjetër ‘’ mund të thuhet se drejtuesit e saj me krye trainerin Andrea Pirlo kanë mbetur të mahnitur me progresin e ishi-t të Malagës dhe kanë nisur ofensivën për ta transferuar në ‘’ Allianz Stadium ‘’ gjatë verës duke qënë të vetëdijshëm se duhet të mposhtin konkurrencën e Milanit dhe Sevillas .
Kuqezinjtë kanë tentuar në shumë raste blerjen e tij por mosarritja e akordit me Brahim Diaz i ka krijuar një lloj zhgënjimi dhe synojnë ta lënë në harresë me kalimin e mundshëm të tij në mitikun ‘’ San Siro ‘’ . Por kësaj historie nuk mund ti anashkalohet Sevilla . Andaluzët vlerësohen prej shumë sezonesh si një ndër skuadrat më simpatike të kontinentit të vjetër e cila ka mundur në shumë raste të shënojë rekorde . Tentativat pa sukses në merkaton e kaluar u justifikuan disi me transferimin e Papu Gomez në ‘’ Sanchez Pizjuan ‘’ por rendimenti në rënie i argjentinasit ka krijuar një farë dyshimi dhe tashmë ‘’ Los Rojiblancos ‘’ i kanë ndezur dritën jeshile largimit të 33 vjeçarit në fundin e sezonit për 15 milionë euro .
Në këtë linjë ndodhet edhe Ivan Rakitic . Problematika e krijuar e penalizon së tepërmi Sevillan për avancimin e dëshiruar dhe drejtuesit e saj kanë përveshur mëngët për ta larguar nga gjiri i tyre për shifrën e 10 milionë eurove e publikuar kjo nga portali Transfermarkt . Një aspekt që nuk duhet anashkaluar lidhet me pretendimet ekonomike të Isco Alarcon dhe në rast të mosplotësimit të kërkesave të tij nga skuadrat e interesuara Reali do të rrezikonte largimin e të ashtuquajturit ‘’ Magjistari ‘’ nga ‘’ Santiago Bernabeu ‘’ me parametër zero .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
