Drejtuesit e Lyonit janë kthyer në retrospektivë në lidhje me të ardhmen . Francezët e dinë shumë mirë kualitetin e lojtarëve që u aktivizuan në të kaluarën tek ‘’ Luanët ‘’ dhe i kanë shkelur syrin Alexandre Lacazettes .
5 vitet në ‘’ Emirates ‘ i kanë shërbyer sulmuesit për të treguar se sa mirë është përgatitur tek Lyoni dhe duke qenë se po i afrohet fundit me ‘’ The Gunners ‘’ , kjo skuadër kërkon ta rikthejë në shtëpi .
Golashënuesi është një referencë absolute në ofensivën e drejtuar nga Mikel Arteta dhe sipas Ekrem Onur do të jetë i lirë duke filluar nga vera e ardhshme dhe Lyoni nuk mendon ta humbasë këtë rast të veçantë .
Falë besimit që i dhanë drejtuesit respektivë dhe sigurisht potencialit , 30 vjeçari arriti të kalojë çdo barrierë duke e shkruajtur emrin në historinë e ‘’ Topchinjve ‘’ si një sulmues me shumë influencë dhe Lyoni kërkon që vitet e fundit ti shijojë aty ku u rrit dhe parashikohet një fillim i menjëhershëm i negociatave nga klubet e përfshira.
Pas shumë vitesh larg sukseseve në Ligue 1 , Lyoni beson se ka ende forca për të konkurruar me Paris St Germain por duhet patur parasysh se rroga e lartë e Alexandre Lacazette mund ta pengojë këtë transferim.
Golashënuesi në fjalë përfiton 11 milionë euro në sezon , shifër absolutisht e papërballueshme nga arkat e Lyonit pavarësisht dëshirës së madhe për ta rikthyer në Francë.
Alexandre Lacazette ka arritur në një moment ku gabimet konsiderohen të pafalshme dhe duhet ti marrë shtruar gjërat për ti realizuar objektivat .
5 gola dhe 4 asiste në 22 ndeshje janë pak për një sulmues të këtij niveli por në vitet e fundit Arsenali ka patur rënie në aspektin e përgjithshëm duke mbetur me duar bosh por Alexandre Lacazette është një ndër ato futbollistë që në kohë të vështira shfaqet papritur dhe mund të suprizojë çdokënd .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
