Pas zbritjes nga froni të Barcelonës dhe Real Madridit , Atletico Madridi është fokusuar maksimalisht tek merkatoja . Fakti se drejtohen nga Diego Simeone do të thotë shumë për kryeqytetasit të cilët janë të vetëdijshëm se me argjentinasin në stol suksesi është pothuajse i garantuar . Entuziazmi për fitimin e Primera Division ka rënë tashmë dhe traineri 51 vjeçar ka filluar përveshjen e mëngëve për të forcuar aspektin mbrojtës . ‘’ Los Colchoneros ‘’ i kanë hedhur sytë tek mbrojtësi i Lazios Luiz Felipe i cili është pretenduar edhe nga Barcelona dhe Real Betisi , operacion që mund të finalizohet me parametër zero duke patur parasysh që 24 vjeçari e përfundon kontratën me bardhekaltërit në 2022-shin .
Sipas parashikimeve të bëra Atletico Madridit i leverdis që të presë edhe një sezon dhe më pas ta transferojë në ‘’ Wanda Metropolitano ‘’ me parametër zero . Fakti se në adresë të Jose Maria Gimenez kanë mbërritur shumë oferta interesante , Atletico Madridi mendon se 24 vjeçari do të shëndërrohej në liderin e qendrës së mbrojtjes së kryeqytetasve .
Duhet evidentuar se në sezonet e fundit lojtari nga Sao Paolo është shëndërruar në një ndër mbrojtësit më të mirë të Serisë A por largimi i Simone Inzaghit nga ‘’ Olimpico ‘’ ka ndikuar në vendimarrjen e disa komponentëve të rëndësishëm të bardhekaltërve dhe në rastin konkret fakti se Felipe Luiz nuk ka arritur të rinovojë kontratën lë për të kuptuar se qëndrimi tek italianët mund të jetë drejt fundit .
Një aspekt që i ka dhënë shumë pikë Atleticos është fitimi i La Ligas dhe për lojtarë të tillë është një privilegj i madh sepse pretendohen nga një prej figurave më të rëndësishme të trainingut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
