Pas një sezoni të suksesshëm që u kulminua me fitimin e La Ligas , Atletico është i ndërgjegjshëm se duhen akoma përpjekje për të mos e humbur protagonizmin . Merkatoja çdo ditë po bëhet edhe më interesante dhe ‘’ Los Colchoneros ‘’ po japin maksimumin për riformatimin e organikës . Kryeqytetasit e dinë se çdo lëvizje e shpejtë do të jetë krejtësisht në favorin e tyre sepse koha kalon shumë shpejt dhe përgjegjësia shtohet .
Në këtë rast Diego Simeone është përqëndruar në gjetjen e një portieri të dytë që do të dijë ta zëvëndësojë ashtu siç duhet gardianin Jan Oblak . Polaku konsiderohet i pazëvëndësueshëm por traineri argjentinas ka kërkuar sigurimin e portës dhe sipas As alternativa është Robin Olsen. Suedezi vjen pas disa paraqitjesh shumë pozitive tek Evertoni por kartoni i tij është në pronësi të Romës.
Ideja e drejtuesve spanjollë është huazimi i portierit nga Malmo për të parë se si do të rezultojë eksperienca tek Atletico , skuadër që drejtohet nga një trainer tepër kërkues , mentaliteti dhe puna e të cilit e ka klasifikuar ndër më të mirat e Spanjës dhe Europës .
Në lidhje me këtë opsion , interesin e Atleticos do ta shoqërojë edhe ai i Real Sociedadit , West Hamit dhe Lilles , fakt që tregon se do të jetë paska e vështirë për mbërritjen e mundshme të Robin Olsen në ‘’ Wanda Metropolitano ‘’ .
Objektivi parësor i deklaruar prej kohësh nga Atletico është ruajtja e titullit të fituar me shumë sakrifica në një luftë dhëmbë për dhëmbë deri në javën e fundit me Barcelonën dhe Real Madridin dhe një prezantim dinjitoz në Uefa Champions League , kompeticion që ‘’ El Cholo ‘’ e njeh shumë mirë por fati nuk ka qenë në anën e tij në vitet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
