Sezoni i shkëlqyer si me Crystal Palacen ashtu edhe me Anglinë, sidomos në Europian, menjëherë ka shkaktuar interesin e Real Madridit për Marc Guehin.
‘’ Galaktikët ‘’ janë shumë të fokusuar tek përforcimi i prapavijës, por sipas gazetarit të ‘ Sky Sports ‘ Lyall Thomas transferimi i tij në ‘’ Santiago Bernabeu ‘’ nuk do të jetë aspak i lehtë.
Londinezët synojnë të arkëtojnë 83 milionë euro për mbrojtësin, një shifër e konsiderueshme që do ti mundësonte zhvillimin e një merkatoje cilësore.
Pa dyshim që do të jetë një tundim për Florentino Perezin, i cili e ka treguar në çdo periudhë transferimesh se çfarë është i aftë të bëjë për klubin e zemrës.
24 vjeçari premton shumë për të ardhmen dhe pikërisht ‘’ Los Blancos ‘’ i japin shumë rëndësi këtij fakti, për tu përmirësuar në çdo aspekt dhe deri më tani çdo lëvizje ka rezultuar e qëlluar.
Lojtari në fjalë parashikohet se do ta vlerësojë tentativën e spanjollëve, të cilët vunë diktatin në sezonin e shkuar, nën drejtimin e një traineri si Carlo Ancelotti, i cili e njeh shumë mirë rrugën drejt suksesit.
Marc Guehi ka zhvilluar tre sezone tek Crystal Palace por e ardhmja e tij mund të ndryshojë shumë shpejt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
