Real Madridi nuk e harron Reece James

<p>Mbrojtësi Reece James vijon të jetë një ndër të preferuarit e Real Madridit në këtë merkato verore. Duke patur parasysh se Dani Carvajal po i afrohet fundit të karrierës, anglezi prej kohësh është bërë pjesë e planeve të ‘’ Galaktikëve ‘’. 23 vjeçari konsiderohet ndër më të mirët në botë aktualisht, i cili e ka ndihmuar shpeshherë Chelsean me inkursionet drejt ofensivës. Gjithsesi nuk besohet se do të jetë e lehtë për kryeqytetasit , të cilët duhet të bëjnë një sforco të konsiderueshme pasi Reece James vijon të jetë i domosdoshëm tek të ashtuquajturët ‘’ Blutë e Londrës ‘’. Sipas këtyre fakteve, për ‘’ Los Blancos ‘’ është një opsion tundues, të cilët në çdo sezon janë kandidatë potencialë për të fituar trofe në çdo kompeticion pjesëmarrës.</p>