“Më kërkuan shumë klube, unë zgjodha Arabinë Saudite”. Futbollisti Cristiano Ronaldo shpjegon zgjedhjen e jetës që e bëri atë të nënshkruajë një kontratë 500 milionëshe me Al-Nassr deri në vitin 2025.
Kur mora vendimin tim, familja ime më mbështeti menjëherë, veçanërisht fëmijët.
Këtu patëm një pritje të mrekullueshme dhe jam vërtet i lumtur që jam këtu me gjithë familjen time.
Të jem në Arabinë Saudite për mua është një mundësi e madhe jo vetëm për futbollin por edhe për të ndryshuar mentalitetin e gjeneratave të reja.
Deklarata e CR7 u bë gjatë prezantimit në konferencën për shtyp mbrëmjen e së martës.
Kisha shumë mundësi në Europë, shumë klube më kërkuan, si në Brazil, Australi, Shtetet e Bashkuara të Amerikës dhe Portugali, por tashmë ia kisha dhënë fjalën Al-Nassr:
kjo është një sfidë e re, e di se çfarë dua dhe çfarë nuk dua. Ekziston mundësia për të ndryshuar, për të ndihmuar të tjerët.
Ka shumë njerëz që nuk e njohin këtë futboll dhe unë dua që ai të ndryshojë, që perspektiva të jetë ndryshe.
Në 10-15 vjet të gjitha skuadrat kanë mundësi të ndryshojnë dhe këtë e dëshmon Kupa e Botës ku ekipet arabe dhe afrikane kanë luajtur shumë mirë.
Ka ende shumë hapësirë për përmirësim për këtë lëvizje dhe ky kampionat është shumë konkurrues.
Unë e di se çfarë dua dhe mezi pres të filloj të luaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
